آل آلما

yaranış

bir qıvılcım

bir pırıltı

bir səs midim

çağların ortasında

qaranlıq bir zamandı

şəhvətli bir gecəydi

fırtınalı bir axşam

partlayışdır  insanlığa yaranış

göy gümüş mavisi

yer çamur qarası

nə gözəldi dənizlərin qovqası

dodağından öpsəm ölüm

sırını alsam yaşam

səndən mi ayrılsam

səninlə qalsam

əllərimin qabarına qatlansam

xatırlasam:

orax  dırmıx  malağan

at arabası  xorum  tırpan

bizlərə hep budur  yaşamaq

xatırlamaq  xatırlamaq  xatırlamaq

səhənd

uca bir dağ gəzəcəksən dəli devranlar içində

bil o dağdı

bil o məsumca yekəlmiş

bir uşağdı

adı dağdı

fikrə baxsan o nə soldu nə də sağdı

izi təbrizdə ölüncək qalacağdı

özü hardan sözü hardan gözü hardan

biləməzsən

nə zaman onla tanışdım

biləməzsən

çənli bir mahnını hardan öpəcəkdi

biləməzsən

kimi hardan vuracakdı

biləməzsən

mənə

hey hey

diye səslənsə

eşitməm

onu görməm

mən ölübdür diyə bilməm

yollar

yollar boyu uzanmışam

uzun yollar qazanmışam

çoxalmışam azalmışam

yuxlamışam oyanmışam

mən bozqurdam dayanmışam

آکگون آکووا

(1962)

«آکیازی»دا دوغولدو.اورتا اؤیره‌نیمی‌نی «غبضه» اورتااوخولوندا، یوکسک اؤیره‌نیمی‌نی آنکارادا «حاجت تپه» بیلیم‌یوردونون شیمی موهندیس‌لییی بؤلومون‌ده بیتیردی. ایستانبول بیلیم‌یوردونون «ایشلتمه ایقتیصادی» انستیتوسوندا تخصوص آلدی. تیجارت ایشی گؤردو.ایلک شعری 1984 ایلینده «میللیت صنعت» درگی‌سینده، سونراکی‌لار «اورن‌سل کولتور»، «وارلیق» کیمین درگی‌لرده یاییم‌لاندی.شعر یازماق‌لا برابر تجروبه و گزمه شکلینده یازی‌لاردا یازماق‌دادیر.

اثرلری:

شعر: سانسورتتورمه شاعیر آبو (1991)، پپتیه (1992)، بابا منه چیغیرما (1994)، عشق و قویروقلو اولدوز(1997)، سئچمه شعرلر(1998).

دوزیازی: گؤزل آت‌لار اؤلکه‌سی (1996)، ییخیلمیش بیر اوشاق باخچاسی کیمین‌ایدی اوزو(1997).

یاغیش بیزی ایزله‌ییر سئوگیلیم، یالنیزجا بیز

آنی‌لاری‌نی یئرلردن توپلایان‌لار درنگیندن دؤنورم

بیر یانیب بیر سؤنورم

یاغیش بیزی ایزله‌ییر سئوگیلیم، یالنیزجا بیز

یالنیزجا بیز کئچمیشی یاندیردیق، یالنیزجا بیز

بیر چتیره چارپیپ باتان بیر گمی‌ده‌ایدیک، اییلدیک

اییلدیک و ایپ‌لرینی چؤزدوک

سون سؤز ایپلی اوچورتما شنلیگینه دؤنوشدو بیرلیک‌ده‌لیییمیز

یاغیش بیزی ایزله‌ییر سئوگیلیم، یالنیزجا بیز

آغزیمیز سوروتله‌ییب گؤتورور چالار ساعات‌لاری

ان تهلیکه‌لی اوتاق‌لارینداییق هتل‌لرین

آنی‌لاری‌نی یئردن توپلایانلار درنگیندن دؤنورم

بیر یانیب بیر سؤنورم

یاغیش بیزی ایزله‌ییر سئوگیلیم، یالنیزجا بیز

یالنیزجا بیز بایراق‌لاری یاندیردیق، یالنیزجا بیز

گؤزیاشی شیشه‌لرینه چارپیپ قیریلان بیر اؤلکه‌ده‌ایدیک، سئودیک

سئویلدیک و چیرکه پاسا دایاندیق

یئنی‌دن سئودالانیرام سنه بیربئله قاچاق گون‌لردن سونرا

یاغیش بیزی ایزله‌ییر سئوگیلیم

بیر بارداق یئر اوزونده یئنی‌دن فیرتینا

اود قورت*‌لاری

ایشیق‌لا ایلگیلی بیر یازی اؤخویوردوم، الکتریک‌لر کسیلدی

بوغازیندان کئچه‌رک میعده‌سینه یئندی شهر گئجه‌نین

شمع آختارمادیم، حال بو کی واریدی

پنجره‌یه گئتدیم قالخیب چالیشما میزیم‌دن

ایکی سئوگیلی‌دن سؤز ائدیردی آغاج‌لار پیچیلداشاراق باغچادا

آغاج‌لارین یالنیزلیق‌لاریندان قورخدوم

سونرا یول‌لاردان سؤز آچدیلار، خیال ائتدیک‌لری یول‌لاردان

ایندی او زامان اود قورت‌لارینی

بیربیرینی قووالایان ایکی یانارسؤنر ایشیغی گؤردوم

گزینن سون اولدوزلاری‌ایدیلار یئراوزونون

چالدیقلاری جیرجیرلاری تاختا قفس‌لره دولدوران

بیر اوغرو دسته‌سی کئچدی کوچه‌دن

آی سیلیردی، سیلیردی جام‌لارینی ترله‌ین ائولرین

بیر چای شهره گئری دؤنمه‌یه‌جه‌یینی بیلدیرن

بیر مکتوب یازیب آخیب گئتمیشدی سودان سبب‌لرله

یئر چکیمی‌نی عشق یوخسول‌لارینا بوراخیب

بیربیر چیخارتدیم پالتارلاریمی

و قاپیسی‌نی آرالادیم یاتدیغین اوتاغین

سونرا آچیلماق اوچون توخونمامی گؤزله‌ین

صورتی گول‌لری گزدیرمه‌یه گئتدیک

آغاج‌لارین گؤزلرینی یومدوغو کیچیک مئشه‌ده

گؤی‌اوزومو تیتره‌دیردی ایسلاق کپنک قاناتلارین

و گئجه‌یی

بو دیشله‌ییب دوردوغون گئجه‌یی

گئت گئده درینله‌شن قارانلیق‌دا گئت گئده سویویان گئجه‌یی

اولدوزلارین گؤی فیشک‌لری کیمین ایچیمیزده پاتلادیغی گئجه‌یی

چئینلمیش سحرله بیرلشن و کیچیلن گئجه‌یی

هر گونه بئله باشلیاق سئوگیلیم

بئله، اود قورت‌لاریندان تشککور ائده‌رک

- - - - - - - - - - - - - - -- - -- - - - - -- - - - - - -- - - - -- - -- -- -

اود قوردو: کرم شب تاب

                              اؤزدمیر اینجه   

                                 (1936)                                                      

"مرسین" ده دوغولدو. آنکارا "غازی" اؤیرتیم مرکزینده فرانسا دیلی بؤلومونو بیتیردی. بیر ایل پاریس ده قالدی. موختلیف اورتا اوخول لاردا معلیم اولدو.  TRT ده چئویرمن و یؤنتمن* اولاراق چالیشدی. 1983 ده "ماللارمه" آکادمی سی نین (پاریس) موخبیر عوضویتی نه سئچیلدی. یایین ائولرینده ائدیتورلوق و چئویرمن لیک ایشلری گؤردو، درگی لرده یازار اولاراق چالیشدی. اؤزدمیر اینجه عینی زامان دا شعر نظریه سی نین اوستون ده ائتدیگی موطالیعه لر ایله شعر، رمان و باشقا ترجومه لرله ده ادبیاتیمیزی زنگینلشدیرن صنعتچی لریمیزدن دیر. ایلک شعرلری ایکینجی یئنی*نین اؤزللیک لرینه صاحیب دیر. داها سونرالار خالق شعریندن، "ناظیم حیکمت" دن و چاغداش فرانسا شعریندن تاثیر آلدی. بو قونولارین هامیسیندا ایشله دی. سمبلیک، جالیب تشبیه لر و مجازلارین یئر آلدیغی جوشقولو بیر آنلاتیم لا،ایچ دن، راحات بیر سؤیله ییش له زنگین بیر دیل له یازدی.

اثرلری:

شعر: قارقی*(1963)، صورت جلسه لر (1967)، گیلاس زامانی (1969)، قارشی آلین یازی (1974)، یئله یازیلی دیر (1979)، آلمانین تاریخی (1981)، شهرلر (1981)، یئددی دریالار گئچسن (1983)، سیاست نامه (1984)، اسکی شعرلر (1985)، حایات بیلگی سی (1986)، زوربا* و اوزان (1987)، باشاق ایله ترازی (1989)، برج لار مداری (1989)، جلیقه لری تاوان دادیر (1989)، گونش ساعاتی (1990)، گورله ویک (1990)، گون دؤنومو گون دؤنومو (1992)، یایین سسی (1994)، یوخوسوزلوق (1995)، مانی – های (1998).

سئچکی: دونیا شعر آنتولوژی سی (1987- 1986، 4 جیلد. آ. بهرام اوغلو ایله).

دوزیازی: شعر و گرچک لیک (1985)، سؤز و یازی (1991)، تابولا راسا (1992)، دایناسورجا (1993)، تاریخ باغیشلاماز (1994)، چیلله تؤرن لری (1995)، بو نه بیچیم مملکت (1996)، نه قیزیل نه گوموش (1997، سؤیله شیلر).

اؤدول لری : داش لار، یئنی له مه لر، نرده لر (TDK 1979 ترجومه شعر اؤدولو).

                              بیر قوش

بیر قوش اوچوردو "سیسام"لا "قوش آداسی" آراسیندا

آنلیامادیم بیر تهر تورک مویدو یوخسا یونان می

بیر باشقا یئردن می یوخسا؟ هئچ بیر بلیرتی یوخ

دنیزدن سوروشدوم اونو: او بیر غواص قوشدور دئدی

تورلار توخویار دورمادان باغریم دا

گؤک اوزون دن سوروشدوم اونو: او منیم قاصیدیم دیر دئدی

بنفش دن، گول رنگیندن افلاطونا قدر

بالیق لاردان سوروشدوم اونو، قاباق دا کی قوش لاردان

تاباق لاردان سوروشدوم، بایراق لی پرچم لی

هامیسی بیر شئی دئدی بیر جاواب آلانمادیم

بیر قوش اوچوردو "سیسام"لا "قوش آداسی" آراسیندا

آنلیامادیم بیر تهر تورک مویدو یونان می

بیر باشقا یئردن می هانسی میللت دن؟

ای قوش دئدیم، کیم لردن اولورسان، هانسی اؤلکه دن؟

من بیر مارتیام دئدی یاشیم دونیانین یاشیندا

اؤلکه می سوروشسان: یئر اوزو، گؤک اوزو و دنیز

سینیرلاریمی سوروشسان: تورپاق دیر، سو و هاوا

                      ای اوغول یازیچی اولورسان

ای اوغول بیر گون یازیچی اولورسان

گؤزو گؤزونده اوره یی اوره یینده الی الینده

اینانجین دادینی دئ اؤلکه مین اوشاق لارینا

ای اوغول بیر گون یازیچی اولورسان

قوشقونون توپلانمانین و گؤزله مه یین یازیچی سی

آمان مثل آنلاتما اؤلکه مین اوشاق لارینا

زامان آخیب گئتمک ده داغ داش دییشمک ده دیر

دمیر پاسلانماق دا تمل چورومک ده دیر

آل قلمی بیلدیگین ان گرچک سؤزو یاز

ایندی اود کرپیشی آغاج لار کؤک لری

ایندی آیاغیمیزین زنجیری کوره ییمیزین خنجری

یازیلمامیش شعر آدسیز بوکولو کیتاب

کیشی لریمیز وار آلمانین بیر یاریسی

بیرآز صبر بیرآز اؤفکه بیرآز سارماشیق

سوروسو سوروشولمامیش جاواب بوینو "پیر سولطان"

ای اوغول بیر گون یازیچی اولورسان

سسینی سئو سئوگینی چوخالت اوره یینی آچ

اونو گؤزل اؤلویو آنلات اؤلکه مین اوشاق لارینا

-         - - -- - - - - - - - - - - - - - - - - - - - - - - - - - - -

یؤنتمن: کارگردان

ایکینجی یئنی: تورکیه نین مودرن ادبیاتی نین بیر دوره سی

قارقی: نیزه

زوربا: بوینو یوغون، زور دئین